ओमसतीया गाउँपालिका न्यायिक सम्पादनमा अब्बल
Sabalnews
प्रकाशित मिति :
बिहिबार, साउन १६ २०८२
रुपन्देही ।
रुपन्देही जिल्लाको ओमसतीया गाउँपालिका न्यायिक सम्पादनमा अब्बल देखिएको छ। आर्थिक वर्ष २०८१/०८२ मा गाउँपालिकामा दर्ता भएका ६२ वटा विवादहरूमध्ये ४६ वटा विवादहरू सफलतापूर्वक सम्पादन गरिएका छन्।
न्यायिक समितिबाट ३५ वटा र मेलमिलापकर्ताबाट ११ वटा गरी जम्मा ४६ वटा मुद्दा समाधान भएको हो। यसरी कुल विवादमध्ये ७४.१९ प्रतिशत विवादको समाधान गरिनु उल्लेखनीय प्रगति भएको पाइएको छ ।
गाउँपालिकाका उपाध्यक्ष तथा न्यायिक समितिका संयोजक सुनीता चौधरीको सक्रियता र समिति, वडागत मेलमिलाप केन्द्रए सफलता सम्भव भएको हो । स्थानीय तहमा न्यायको पहुँच सुनिश्चित गर्ने प्रयासस्वरूप गाउँपालिकाले न्यायिक कार्यमा देखाएको सक्रियता नागरिकहरूका लागि भरोसा बनेको छ ।
न्यान सम्पादन गर्दा भुमिका निकै निश्पक्ष हुनुपर्नेमा म आफैले जोड दिन्छु संयोजक चौधरीले भन्नुभयो । स्थानीय समस्याको स्थानीय तहमै समाधान गर्दै आएको ओमसतीया गाउँपालिकाको यो कार्य अन्य स्थानीय तहहरूको लागि प्रेरणाको स्रोत बन्न सक्नेछ।
