आर्य- रामपुर सडकको स्याफतमा बलेरो दुर्घटना,२ को मृत्यु
Sabalnews
प्रकाशित मिति :
सोमबार, असार २ २०८२
पाल्पा ।
पाल्पाको रामपुरबाट तानसेन तर्फ आउदै गरेको बलेरो जिप पाल्पाको पूर्वखोला गाउँपालिका–५ स्थित स्याफत भीरमा दुर्घटनामा हुँदा २ जनाको ज्यान गएको छ ।
दुर्घटनामा परी सवारी धनी बगनासकाली गाउँपालिका–१ गाप्टुङ घर भइ हाल बुटवल उपमहानगरपालिका–११ मझुवा बस्ने ४६ वर्षीय विनोद ढुंगाना र अर्का नाम थर नखुलेका अन्दाजी ४५ वर्षीय पुरुषको मृत्यु भएको जिल्ला प्रहरी कार्यालयका प्रहरी नायब उपरीक्षक सुनिल मल्लले बताउनुभयो । उहाँका अनुसार ढुंगानाको लुम्बिनी मेडिकल कलेज प्रभासमा उपचारका क्रममा र अर्का एक जनाको मिसन अस्पताल पाल्पामा मृत्यु भएको हो ।
दुर्घटनामा चालक बुटवल उपमहानगरपालिका–११ का ३० वर्षीय राजु खड्का गम्भीर घाइते हुनुभएको छ । खड्काको लुम्बिनी मेडिकल कलेज प्रभासमा उपचार भइरहेको छ ।
गाडी सडकदेखि ३०० मिटर तल खसेको छ । दुर्घटनाको कारण भने खुल्न सकेको छैन । घटनाको विषयमा थप अनुसन्धान भइरहेको प्रहरीले जनाएको छ ।
