पाल्पामा तेस्राे माडी महाेत्सव जेठ २ गतेदेखि
Sabalnews
प्रकाशित मिति :
बुधबार, जेष्ठ १ २०८२
पाल्पा ।
उद्याेग व्यापार सङ्घ माथागढीकाे आयाेजनामा यही जेठ २ गतेदेखि १४ गतेसम्म तेस्राे माडी महाेत्सव हुने भएकाे छ ।माथागढीकाे सराइमा महाेत्सव हुन लागेकाे मेला मूल आयाेजक समितिका संयाेजक एवं सङ्घका अध्यक्ष भेगराज थापाले जानकारी दिनुभयाे ।
माथागढी-माडी क्षेत्रमा उत्पादित कृषिजन्य बस्तु घरेलु तथा साना उद्याेगबाट उत्पादित बस्तुकाे बिक्री, स्थानीय कलासंस्कृतिकाे जगेर्ना गर्ने उद्देश्यले महाेत्सव गर्न लागेकाे थापाले पत्रकार भेटघाटमा जानकारी दिनुभयाे । महाेत्सवमा स्थानीय स्टललाई निशुल्क प्रवेश दिइने उहाँले जानकारी दिनुभयाे ।
महाेत्सवमा १ सय ५० बढी स्टल रहनेछन्। बाल उद्यान, लत्ता कपडा, खाद्यान्न, हाेटल, घरेलु सामग्रीका स्टल रहने उहाँले बताउनुभयाे । महाेत्सवमा ३ कराेडकाे काराेबार हुने र १ लाख दर्शकले अवलाेकन गर्ने सङ्घले जनाएकाे छ ।
पत्रकार भेटघाटमा नेपाल पत्रकार महासङ्घका अध्यक्ष कमलराज तिमिल्सेनाले स्थानीय व्यापारी व्यवसायीकाे उत्पादनलाई प्रबर्धन गर्न महाेत्सव सफल हुने बिश्वास व्यक्त गर्नुभयाे । कार्यक्रम भेगराज थापाकाे अध्यक्षता, महासचिव खेमान दिशामगरकाे संचालनमा भएकाे थियाे ।
