गण्डकी कोटिहोम महायज्ञ उपयुक्त स्थानमा,सबै मिलेर सफल पारौंः वडा अध्यक्ष प्रधानाङ्गा

पोखरा ।

पोखरा महानगरपालिका वडा नं. १७ बिरौटामा सञ्चालन भइरहेको ऐतिहासिक श्री गण्डकी कोटिहोम महायज्ञ २०८२ को पूर्वसन्ध्यामा आयोजित श्रीमद्भागवत कथा प्रवचनको कार्यक्रममा साधुसन्त र स्थानियको उपस्थिती बढ्दै गएको छ ।

यसैबिच देवी प्रतिभाले कथा प्रवचन सुरु गरेको पहिलो दिन  पोखरा महानगरपलिका वाड नं. २ का वडा अध्यक्ष दिवशमान प्रधानाङ्गाले पोखराको कोटिहोम महायज्ञ उपयुक्त स्थानमा सञ्चालन भएको बताउनुभयो । त्यस्तै यस प्रकारको धार्मिक अनुष्ठानले पोखराबासीको पहिचानलाई थप बलियो बनाएको उहाँको भनाई छन््  ।

“ऐतिहासिक श्री गण्डकी कोटिहोम महायज्ञ २०८२ सुन्दर नगरी,जनसंख्या लगायतको हिसावले उपयुक्त रहेको स्थानमा सञ्चालन भएको छ । यो सफल बनाउन हामी सबै नेपालीको कर्तव्य हो,अझ पोखराबासी तपाई हामी सबैको त महत्वपूर्ण जिम्मेबारी हो,अध्यक्ष दिवशमान प्रधानाङ्गाले थपे भन्नुभयो-“पोखरा आफै पर्यटकिय नगरी हो,यसलाई विश्वव्यापी बनाउन र पर्यटन बर्ष सफल पार्नको लागि अत्यन्तै महत्वपूर्ण भूमीका खेल्ने छ । ”

कोटिहोममा शनिबारदेखि देवी प्रतिभा,आचार्य शितल कृष्ण महाराज लगायतको कथा प्रवचन भईरहेको छ ।