पुर्वखोला गाउँपालिकाद्धारा विद्यार्थीलाई न्यानो स्विटर
Sabalnews
प्रकाशित मिति :
मंगलबार, माघ १ २०८१
पाल्पा ।
पाल्पाको पुर्वखोला गाउँपालिकाले पालिकाका विभिन्न विद्यालयका गरिब तथा जेहन्दार परिवारका विद्यार्थीलाई न्यानो स्विटर वितरण गरेको छ । पालिकाले गाउँपालिकाका भित्रका विद्यालय छनौट गरि सो विद्यालयका विद्यार्थीलाई जाडोको समयमा स्विटर बितरण गरेको गाउँपालिकाले जनाएको छ ।
पालिकाले अकला आधारभूत विद्यालय, जनजागृति प्राथमिक विद्यालय र पुष्प स्मृति प्राथमिक विद्यालय सहितका विद्यालयका विद्यार्थीलाई स्विटर वितरण गरेको गाउँपालिकाका प्रमुख प्रशासकीय अधिकृत सुन्दर श्रेष्ठले जानकारी दिनुभयो ।आ.ब.२०८१/०८२ को कार्यक्रम अन्तर्गत छनोटमा परेको विद्यालय अकला आधारभूत विद्यालयबाट २० जना विद्यार्थी, जनजागृति प्राथमिक विद्यालयका १० जना विद्यार्थी र पुष्प स्मृति प्राथमिक विद्यालयका १० जना विद्यार्थीलाई न्यानो स्विटर प्रदान गरिएको हो ।
पालिकाले तल्लो तहका जेहन्दार विद्यार्थी छनौट गरि जाडोको समयमा न्यानो हुन र न्यानोपनाले विद्यार्थीको स्वास्थ्य र सिकाईमा पनि सहज होस् भन्ने हेतुले स्विटर बितरण गरिएको गाउँपालिका अध्यक्ष नुन बहादुर थापाले बताउनुभयो ।
