पक्राउ परेका दुर्गा प्रसाईलाई आज जिल्ला अदालतमा पेस गरिने
Sabalnews
प्रकाशित मिति :
बुधबार, मंसिर ५ २०८१
काठमाडौं ।
साइबर अपराध मुद्दामा प्रहरीले मंगलबार पक्राउ गरेका दुर्गा प्रसाईंलाई आज काठमाडौं जिल्ला अदालतमा पेस गरिँदैछ ।
मंगलबार दिउँसो भक्तपुरको कमेरोटारस्थित निजी निवासबाट प्रसाईं पक्राउ परेका थिए । उनलाई म्याद थपका लागि आज अदालतमा पेस गर्न लागिएको हो ।
मंगलबार उनको स्वास्थ्य परिक्षण गरिएको थियो । प्रसाईले कम्बोडियामा रहेको टेलिकम एक्जियाटा कम्पनीमा प्रधानमन्त्री केपी शर्मा ओलीको अर्बौं डलर लगानी रहेको भन्दै विभिन्न कागजात राखेर भिडियो सार्वजनिक गरेका थिए ।
सामाजिक सञ्जालमार्फत अफवाह फैलाएकोले प्रसाईंविरुद्ध साइबर अपराधमा अनुसन्धान अघि बढेको छ । उनीविरूद्ध किर्तेलगायत अन्य कसुरमा पनि अनुसन्धान हुने बताइएको छ ।
प्रसाईँमाथि पहिलेदेखि नै विभिन्न अपराधमा अनुसन्धान भइरहेको थियो । यसअघि मेडिकल व्यवसायी प्रसाईं असोज ६ गते पक्राउ परेका थिए । साइबर अपराधसम्बन्धी मुद्दा काठमाडौं जिल्ला अदालतमा विचाराधीन छ । उनि सो मुद्धामा एक लाख रुपैयाँ धरौटी बुझाएर रिहा भएका थिए ।
