मुस्ताङमा जुवाखालबाट नगद ८ लाख ५२ हजारसहित १२ जुवाडे पक्राउ
मुस्ताङमा जुवाखालबाट नगद ८ लाख ५२ हजारसहित १२ जुवाडे पक्राउ
Sabalnews
प्रकाशित मिति :
सोमबार, कार्तिक १९ २०८१
1.4K
मुस्ताङ ।
जिल्ला प्रहरी कार्यालय मुस्ताङले जुवाखालबाट नगद ८ लाख ५२ हजारसहित १२ जना जुवाडेलाई रंगेहात पक्राउ गरेको छ।
मुस्ताङको घरपझोङ गाउँपालिका-२ मार्फाबाट आइतबार साँझ ५:३० बजे जुवातास खेलिरहेका १२ जना जुवाडेलाई नगदसहित पक्राउ गरेको हो । पक्राउ पर्ने अधिकांश घरपझोङ-२ मार्फाका छन्।
मुस्ताङको घरपझोङ-२ मार्फास्थित एक रेष्टुरेन्टको कोठा नं. २११ र कोठा नं. २०९ मा जुवातास खेले खेलाएको जानकारी पाएपछि जिल्ला प्रहरी कार्यालय मुस्ताङबाट खटिएको १५ जनाको प्रहरी टोलीले होटलमा छापा मारेको थियो। प्रहरीले होटलबाट ८ बुक ताससहित ८ लाख ५२ हजार ८ सय रुपैयाँ बरामद गरेको जिल्ला प्रहरी कार्यालय मुस्ताङका सूचना अधिकारी गणेश सुवेदीले जानकारी दिनुभयो।
जुवातासको खालबाट पक्राउ परेका व्यक्तिहरू उपर आवश्यक छानबिनसहित अनुसन्धान भइरहेको प्रहरीले जनाएको छ ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
