बिग्रिएको विमान उडाउदा दुर्घटना

काठमाडौँ

त्रिभुवन अन्तर्राष्ट्रिय विमानस्थल नजिकै दुर्घटना भएको सौर्य एयरलाइन्सको ९एन–एएमई (सीआरजे २००) जहाज बिग्रीएको बुझिएको छ । यो जहाजले धावनमार्ग छाड्नासाथ भुईमा बजारिएको हो । जहाँजमा १९ यात्रु थिए । पाइलट सहित ४ को अबस्था गम्भिर अबस्थामा शिक्षण अस्पताल पठाइएको छ ।

विमान बिग्रीएको र रनवे लिन पनि नसक्ने अबस्थाको बिमानमा यात्रु भरेको स्वयं बिमानस्थलका केही प्रतिनिधिले बताएको बुझिएको छ । यो दुर्घटना बिमानस्थलको लापरवाही भएको गुनासो बडिरहेको छ ।

दुर्घटनापछि अहिले उद्धार कार्य जारी छ। प्रारम्भिक जानकारीअनुसार अहिले अग्नि नियन्त्रकहरूले १३ जनाको शव निकालेका छन् ।

बिमानस्थल छोड्नासाथ उत्तरतर्फको ढिस्कोमा बजारिएको हो भने बिम्मनस्थलका अन्य जहाज  र घरमा क्षति भएको छैन । खास एम्बुलेन्स जान असहज हुने र ढिस्कोको घाचमा विमान बजारिएको हो भने बिमानमा लगत्ते आगो लागेको थियो ।

बुधबार करिब सवा ११ बजे सौर्य एयरलाइन्सको जहाज पोखरा उड्ने क्रममा रनवेबाट दुर्घटनामा परेको थियो । विमानस्थलका प्रवक्ता प्रेमनाथ ठाकुरका अनुसार त्रिभुवन विमानस्थलबाट पोखरा उड्ने क्रममा सौर्यको जहाज दुर्घटनामा परेको हो । उक्त विमानमा चालक दलका सदस्यसहित १९ जना रहेको उनले बताए । सुरक्षाकर्मी र विमानस्थलका फायरफाइटरहरु आगो निभाउन लागि परेका छन् ।

अहिले उद्दारको काम चलिरहेको छ ।दुर्घटनाबारे थप विवरण आउन बाँकी छ ।