कालिकोटमा निशुल्क स्वास्थ्य शिबिर, हजार बढी लाभान्वित

Sabalnews प्रकाशित मिति : मंगलबार, बैशाख २५ २०८१

862

कालिकोट ।

तिलागुफा नगरपालिकाको सहकार्य, काठमाडौं मेडिकल कलेजको सहयोगमा तिलागुफा नगरपालिका नगर अस्पताल राँचुलिमा १ दिने नि:शुल्क स्वास्थ्य शिविर सम्पन्न भएको छ ।

यस अघि तिलागुफा नगरपालिका लाई X-rey, ecg machine लगायत ७० लाख भन्दा बढिको स्वास्थ्य उपकरण सहयोग गर्नुभएको काठमाडौं मेडिकल कलेजका संचालक तथा मोरङ क्षेत्र न. ३ का संसद माननीय डा. सुनिल शर्मा ज्युको प्रमुख आतिथ्यता सहितको उपस्थितिमा अन्य विभिन्न रोगका विशेषज्ञ डा. हरुको टोलीले बिरामी हरुलाई सेवा प्रवाह गर्नु भएको थियो ।

तिलागुफा नगरपालिका,खाडाचक्र नगरपालिका, जुम्ला जिल्लाको हिमा गाउँपालिका, र तिला गाउँपालिका लगायत आसपासका क्षेत्रहरुबाट आएका जम्मा १४०२ जना विभिन्न रोगका बिरामी हरुले विशेषज्ञ डा. हरु बाट परामर्श सहितको सेवा लिनुभएको छ ।

शिविरबाट मुटु रोग, पत्थरी,आँखा रोग लगायतका जटिल अप्रेसन गर्नु पर्ने ६३ जना बिरामी हरुलाई जेष्ठ ७ गते भित्र पुग्ने गरि काठमाडौं मेडिकल कलेजमा रिफर गरिएको छ । सम्पुर्ण बिरामी हरुलाई तिलागुफा नगरपालिकाको पहलमा निशुल्क उपचार गरिनेछ । जस अनुरुप तिलागुफा नगरपालिका बाट काठमाडौ सम्म जाने/आउने भाडा तिलागुफा नगरपालिकाले ब्यहोर्ने छ भने बाकी उपचार निशुल्क अप्रेसनको ब्यबस्था काठमाडौं मेडिकल कलेजले गर्नेछ ।

देशका दुर्गम तथा पिछडिएका क्षेत्र हरुमा स्वास्थ्य सामाग्री हस्तान्तरण,जनशक्ति ब्यबस्थापन, स्वास्थ्य शिविर संचालन लगायतका सामाजिक कार्यहरु गर्ने सिलसिलामा तिलागुफा नगरपालिकाकाको स्वास्थ्य क्षेत्रमा आफ्नो निरन्तर सहयोग र समर्थन गर्दै उल्लेखनीय योगदान गर्नुहुने बरिस्ठ समाजसेवी, काठमाडौ मेडिकल कलेजका संचालक माननीय डा. सुनिल शर्मा ज्यु लगायत सिङ्गो मेडिकल कलेज परिवार लाई हार्दिक आभार प्रकट सहित धन्यवाद व्यक्त गर्नुभयो ।

नि:शुल्क स्वास्थ्य शिविरमा हजार बढी बिरामीले सेवा लिएका नगर प्रमुख शंकर प्रसाद उपाध्यायले बताउनुभयो ।

उपचार सेवा लिने बिरामी संख्या