रामपुरमा चल्यो उद्यमशीलता तथा बित्तिय साक्षरता तालिम

पाल्पा ।

उद्यमशीलता तथा वित्तीय साक्षरता सम्बन्धी तालिम पाल्पाको रामपुरमा शुरु भएको छ । रामपुर नगरपालिकाको आयोजना र राष्ट्रिय युवा परिषद भक्तपुरको संयुक्त आयोजनामा चलेको एक हप्ते तालिम शुभारम्भका अबसरमा रामपुर नगरपालिकाका उपप्रमुख बाल कुमारी थापाले उद्यम व्यवसायको वृद्धि र विकासको लागि तालिम आयोजना गरेको बताउनुभयो ।

उद्योग व्यवसायको विकास नभए सम्म आर्थिक विकास हुदैन थापाले भन्नुभयो- यसका लागि उद्यम गर्ने योजना बनाएका र उद्यम गरिरहेका उद्यमीहरुलाई योजना बनाएर सफल उद्यमी बन्न आग्रह गर्नुभयो ।

कार्यक्रममा रामपुर नगरपालिका वडा नं.५ का अध्यक्ष दुर्गा प्रसाद पोखरेलले रुची र क्षमता अनुसारको व्यवसायले सफलता हासिल हुने बताउनुभयो । कार्यक्रममा राष्ट्रिय युवा परिषदका उपसचिव चन्दा थापाले कार्यक्रमको उद्देश्य माथि प्रकाश पार्दै उद्यमको छनौट ,योजना निर्माण,लगानी, ऋण लगायतका विषयमा सहजिकरण गर्ने बताउनुभयो ।

तालिममा रामपुर नगरपालिका भित्रका ३५जना महिला दिदिबहिनीहरुको सहभागिता रहेको छ ।