लुम्बिनीमा मन्त्रीपरिषद बिस्तार, साना दललाई मिलाउन बिनाबिभागिय मन्त्री तोकियो
Sabalnews
प्रकाशित मिति :
बिहिबार, बैशाख ६ २०८१
लुम्बिनी ।
सत्तासाझेदार दलहरुबिच मन्त्रालय भागबण्डामा टुंगो लागेपछि लुम्बिनीका मुख्यमन्त्री जोख बहादुर महराले मन्त्रीपरिषद बिस्तार गर्नुभएको छ।
सोही अनुरुप नेकपा एमालेको तर्फबाट संसदीय दलको उपनेता चेतनारायण आचार्यको नेतृत्वमा मन्त्री भएका छन् ।
आचार्यले आर्थिक मामिला तथा योजना मन्त्रालय, रोल्पाका दिपेन्द्र कुमार पुनले स्वास्थ्य मन्त्रालय, भण्डारीलाल अहिरले कृषि तथा भुमी व्यबस्था मन्त्रालय सहित भुमिश्वर ढकाल, दिनेश पन्थी, अर्जुन कुमार केसी, रत्न बहादुर खत्री, खड्ग बस्नेत, धर्म बहादुर चौधरी, भगवती अधिकारी बिनाबिभागिय मन्त्री तोकिएका हुन् । उनीहरुको आजै सथप ग्रहण हुने मुख्यमन्त्रीको सचिवालयले जनाएको छ ।
लामो समयदेखि अलपत्र परेका बिषयगत समितिको सभापति टुङ्गिए लगत्तै मुख्यमन्त्री महराले सरकार बिस्तार गर्नुभएको हो
मुख्यमन्त्री सचिवालयका अनुसार मन्त्रालयहरुकाे बाडफाड टुंगो लागेको भएपनि सानादलहरुका बिचमा आन्तरिक बाडफाड मिलाउनका लागि अर्थ, स्वास्थ्य र कृषि बाहेकका मन्त्रीहरुलाई बिना बिभागीय मन्त्रीको रुपमा सपथ गराइदैछ ।
