अस्पतालबाट ३ दिनसम्म नउठेको शब युवा क्लब र प्रशासनको समन्वयमा व्यबस्थापन

पाल्पा ।

प्रारम्भिक अनुसन्धानमा आत्महत्या गरेका एक पुरुषको शब ३ दिनपछि स्थानीय युवा क्लब र प्रशासनले व्यवस्थापन गरेको छ ।

पाल्पाको रामपुरमा कोठा भाडामा बस्दै आएका ३६ बर्षका भोला प्रसाद श्रीवास्तव गत चैत १३ गते रामपुर ५ नहरअफिसको भाडामा बस्दै आएको कच्चीघरमा घाटीमा पासो लगाई झुण्डिएको अबस्थामा फेला परेका थिए ।

पर्साको बिरगंज ८ घर भई उनीहरू रामपुर बस्दै आएका थिए । दाङ घोराही माईती भएकी श्रीमती माया मुखिया श्रीवास्तवले कमजोर आर्थिक अबस्था भएकाले शब अस्पतालबाट उठाउन नसकेको बताइन् । ३ दिनसम्ममा श्रीमती बाहेक अन्य आफन्तीजन सम्पर्कमा नआएपछि सरोकारवालाको उपस्थितिमा शब व्यबस्थापन गरेको छ । अस्पतालमा नै शब रहेपछि इलाका प्रशासन, इलाका प्रहरी कार्यालय र रामपुर युवा क्लबका युवाहरुको समन्वयमा शब व्यवस्थापन गरेको हो । ४ हजार खर्चमा क्लबले पहल गरेर शव व्यबस्थापन गरेको रामपुर युवा क्लबका अध्यक्ष छम बहादुर दरैले जानकारी दिनुभयो ।

घरको आर्थिक अबस्था कमजोर भएको र शब उठाउनै नसक्ने अबस्था भएपछि उनको घरपरिवार र प्रशासनको समन्वयमा शब व्यवस्थापन गरेका हौं इलाका प्रहरी कार्यालय रामपुरका प्रमुख शालिकराम खनालले भन्नुभयो ।