त्रिभुवन विश्वविद्यालयको उपकुलपतिमा पाल्पाका प्रा. डा. बराल नियुक्त
Sabalnews
प्रकाशित मिति :
बिहिबार, फाल्गुन १० २०८०
काठमाडौं ।
त्रिभुवन विश्वविद्यालयको उपकुलपतिमा पाल्पाका प्रा. डा. केशरजंग बराल नियुक्त हुनुभएको छ ।
त्रिविका कुलपति तथा प्रधानमन्त्री पुष्पकमल दाहाल प्रचण्डले बिहीबार बराललाई उपकुलपति नियुक्त गर्नुभएको हो । बराल हाल पोखरामा रहनुभएको छ ।
प्रधानमन्त्री प्रचण्डले उपकुलपति सिफारिसका लागि शिक्षा, विज्ञान तथा प्रविधिमन्त्री अशोक राई नेतृत्वमा गठित समितिले चित्रबहादुर बुढाथोकी, बराल र टंकनाथ धमलाको नाम सिफारिस गरेको थियो ।
प्रधानमन्त्रीले पहिलो नम्बरमा रहेका बुढाथोकीलाई छाडेर बराललाई उपकुलपति नियुक्त गर्नुभयो । सिफारिस समितिले लिएको विभिन्न मापदण्डको आधारको अंकमा बराल अरुभन्दा २ अंकले अगाडी हुनुभएको हो ।
उपप्राध्यापकको रुपमा महेन्द्र मोरङ क्याम्पसबाट अध्यापन सुरु गर्नुभएका बराल २०६४ मा पोखरा विश्वविद्यालयको उपकुलपति हुनुभयो । पोखरा विश्वविद्यालयलाई विस्तार गर्नमा बरालको ठूलो हात छ ।
निश्चित शहरका २३ वटा सम्बन्धन प्राप्त कलेजलाई बढाएर बरालले ५४ पुर्याउनुभयो। उहाँले नर्सिङ, स्नातक तहको इलेक्ट्रिकल, इलेक्ट्रोनिक इन्जियिरिङ जस्ता शैक्षिक कार्यक्रम सुरु गर्नुभयो ।
