जिल्लामा पहिलोपटक माथागढ़ी १ चिदीपानीले अनलाईन सिफारिस

पाल्पा ।

जिल्लामै पहिलो पटक माथागढ़ी गाउपालिका वडा न १ चिदीपानीले अनलाईन सिफारिस प्रणाली शुरु गरेको छ ।

नाता प्रमाणित, योजना सम्झौता, जग्गा नामसारी, नागरिकता सम्बन्धी सबै सिफारिसहरु Annual Income Verification (बार्षिक आयश्रोत प्रमाणिकरण) उद्योग फर्म दर्ता सिफारिस, जन्म र मृत्यु प्रमाणित, आयव्यय प्रमाणित लगायत अनलाइन सिस्टमद्वारा विभिन्न प्रकृतिका सिफारिसहरु छिटो र छरितो गर्न सकिने वडा अध्यक्ष राजकुमार पन्थीले बाताउनुभयो ।

वडा कार्यालयबाट जारी सिफारिस पत्रको केन्द्रिय विधुतीय अभिलेखीकरण हुने, सेवाग्राहीले अनलाईन मार्फत निवेदन बुझाउन सकिनेछ । जसले गर्दा सेवाग्राहीको डाटाबेस बिस्तार भई सेवा प्रवाह छिटो छरितो, विश्वसनीय र प्रभाबकारी हुनेछ ।
प्रविधिको प्रयोग गरी पेपरलेस सेवा प्रवाहको दिशामा महत्वपुर्ण खुड्किलो हुने पन्थीको भनाइ छ । सेवा प्रयोग गर्नको निम्ति URL https; /sifarish.ibis.com.np/ login मा क्लिक गर्न सकिने वडा सचिब राजु ज्ञवालीले जानकारी दिनुभयो ।

वडाबासी केश बहादुर सिङ्जालीलाई पहिलो अनलाईन निवेदनको सिफारिस दिईएको छ । सेवाग्राहीको रुपमा सिफारिस गरिएको कार्यक्रममा कार्यपालिका सदस्य तुल्सा न्यौपाने, वडा सदस्य डुकुल बहादुर गाहा, इन्जिनियर निवेश किरण अधिकारीले प्रविधिको विकास, वडाबासीको पहुँच र सहज सेवाका बारेमा जानकारी दिनुभएको थियो ।