स्याङ्जाको चापाकोटमा ‘‘दोस्रो चापाकोट महोत्सव एवं व्यापार मेला २०८०’’ हुने
Sabalnews
प्रकाशित मिति :
आइतबार, माघ १४ २०८०
स्याङजा ।
स्याङ्जाको चापाकोटमा ‘‘दोस्रो चापाकोट महोत्सव एवं व्यापार मेला २०८०’’ हुने भएको छ ।
चापाकोट उद्योग वाणिज्य संघको आयोजना र चापाकोट नगरपालिकाको प्रमुख सहयोगमा आउदो फागुन पहिलो हप्तादेखि महोत्सव गर्ने निर्णय भएको हो । चापाकोट उद्योग वाणिज्य संघको आयोजनामा बसेको बैठकले आगामी फागुन ३ गतेदेखि १३ गतेसम्म चापाकोट खेलमैदानमा महोत्सव एवं व्यापार मेला गर्ने तय भएको हो ।
मेलामा बिशेष गरि कृषि प्रर्दशनी, धार्मिक तथा पर्यटकीय स्थलहरुको फोटो प्रद्र्धशनी, रतौली गित प्रतियोगिता, भजन प्रतियोगिता, नृत्य प्रतियोगिता र राष्ट्रिय कलाकारको प्रस्तुति लगाएतका कार्यक्रम हुने नबनिर्वाचित चापाकोट उद्योग वाणिज्य संघका अध्यक्ष निर्मल राना मगरले बताउनुभयो ।
महोत्सवमा गाउँ–गाउँमा उत्पादित मौलिक एवं कृषिजन्य वस्तुहरूको प्रदर्शनी र बिक्रीलाई उच्च प्राथमिकतामा राखिएको छ ।
महोत्सवमा कृषि तथा हस्तकला, सेवा तथा औद्योगिक र व्यापारिक गरी २५० स्टलहरू राखिने चापाकोट उद्योग वाणिज्य संघका महासचिव शिव श्रेष्ठले जानकारी दिनुभयो ।
