पाल्पा-स्याङ्जा जोड्ने राम्दीमा पक्की पुल बन्दै
Sabalnews
प्रकाशित मिति :
बुधबार, मंसिर २७ २०८०
पाल्पा ।
पाल्पा र स्याङ्जा जिल्ला जोड्ने राम्दीमा नयाँ डिजाइनमा पक्की पुल निर्माण हुने भएको छ । सिद्धार्थ राजमार्ग अन्तर्गत लुम्विनी र गण्डकी प्रदेश जोड्ने प्रमुख मार्ग सिद्धार्थ राजमार्ग अन्तर्गत स्याङ्जाको सिमाना राम्दीमा नयाँ पक्की पुल निर्माणको काम थालिएको हो ।
वि.सं २०२८ मा ‘स्टिल ट्रस’ हुँदै राम्दीमा सिद्धार्थ राजमार्ग निर्माण भएका बेला पुल बनेको थियो । हाल उक्त पुल जीर्ण भएर एकैपटक दोहोरो आवत–जावतमा रोक लगाइएको छ । दश टनभन्दा धेरै समान बोकेका ट्रक सञ्चालनमा रोक लगाइएको छ ।
६ दशकअघि बनेको पुल जीर्ण भएपछि पटक-पटक मर्मत गरिदै आएको थियो । पुरानो पुल नजिकै नयाँ पुल निर्माण सुरु गरिएको हो । नयाँ पुल निर्माणका लागि पुलको आडमा रहेका घर टहरा समेत हटाइएको छ ।
पुरानो पुल जीर्ण भएकाले राम्दीमा नयाँ पुल निर्माण सुरु भएको पुल विभाग पुल सेक्टर पोखराका आयोजना प्रमुख सूचना अधिकारी तथा इन्जिनियर आशिक रिजालले जानकारी दिनुभयो । उहाँका अनुसार आगामी २०८२ असार मसान्तभित्र सक्नेगरी हिम सगरमाथा कन्स्ट्रक्सनले पुल निर्माणको जिम्मा पाएको छ ।
राम्दीमा पुल निर्माणका लागि २७ करोड ७१ लाख रुपयाँ खर्च लाग्ने पुल आयोजनाले जनाएको छ ।
