भुपु सैनिक राईजिङ ईङ्गलिस स्कुलको रजत महोत्सवमा भारतीय दुतावासका रक्षा सहचारीको आगमन

पाल्पा  ।

पाल्पाको रामपुरमा रहेको भुपु सैनिक राईजिङ ईङ्गलिस सेकेण्डरी स्कुलले रजत महोत्सव समारोहको आयोजना गर्ने जनाएको छ । विद्यालयले एक कार्यक्रमको आयोजना गरि विद्यालयको २५ बर्ष स्थापनाको अबसरमा रजत जयन्तीको आयोजना गर्ने जनाएको हो । विद्यालय व्यवस्थापन समिति अध्यक्ष सुवेदार राजकुमार श्रेष्ठले विद्यालयगत र नगर स्तरीय विविध प्रतियोगिता तथा अभिभावक, शिक्षक बिच रमाइलो र मैत्रीपुणर् खेलको आयोजना गरि रजत महोत्सव मनाउने जानकारी दिनुभयो ।

मंसिर १४ गतेदेखि १९ गतेसम्म आयोजना हुने गरि प्रतियोगितात्मक कार्यक्रम आयोजना गरिएको र समापनको अबसरमा भारतीय दुतावासका रक्षा सहचारी सहायक नविन जानुको उपस्थितिमा समापन समारोह कार्यक्रम हुने स्कुलका प्रिन्सिपल गोपि सिग्देलले बताउनुभयो ।
विद्यालयले रजत स्मारिका विमोचन, रजत स्तम्भ अनावरण, पुरस्कार वितरण लगायतका विभिन्न सांस्कृतिक कार्यक्रम गरेर मनाउने गरि तयारी गरेको छ ।

जिल्लाको पुर्वी भेगमा निजि तर्फबाट सञ्चालन भएको भुपु सैनिक राइजिङ स्कुलले अभावका विचमा पनि उच्च स्तरका विद्यार्थी उत्पादन गर्दै आएको छ । भुतपुर्व सेनाको सामाजिक र शैक्षिक उन्नयनमा महत्वपुणर् नेतृत्व र पहलकदमीबाट स्थापित यस विद्यालयमा सानो एक कोठा र हलमा ६० विद्यार्थीबाट पठन शुरु भएकोमा हाल सुविधा सम्पन्न भवन, बस सेवा, ५ रोपनी क्षेत्रफलमा खेल मैदान सहितको संरचना तयार छ । विद्यालयमा हाल १ हजार ५० जना विद्यार्थी अध्ययनरत छन् भने ५८ जना शिक्षक कर्मचारी कार्यरत छन् । विद्यालयमा २ सय १८ जना हाल सेयर सदस्य आबद्ध छन् ।

पूर्वप्राथमिक तहदेखि १२ कक्षासम्म पठनपाठन भइरहेको छ । कक्षा ११ र १२ मा व्यवस्थापन सङ्कायमा पठनपाठन शुरु भएको छ । एस.र्ई.ई.को समयमा छात्राबासको व्यवस्था छ । छात्रबासलाई निरन्तर चलाउने योजनामा विद्यालय छ । देशको दशवर्षे द्धन्द्धकालको चपेटामा परेको यस स्कुलले नियमित पठनपाठनलाई निरन्तरता दिएको हो ।