कोसी प्रदेशका मुख्यमन्त्री केदार कार्कीलाई भारी बहुमत
कोसी प्रदेशका मुख्यमन्त्री केदार कार्कीलाई भारी बहुमत
Sabalnews
प्रकाशित मिति :
बिहिबार, कार्तिक २ २०८०
1.5K
बिराटनगर ।
कोसी प्रदेशका मुख्यमन्त्री केदार कार्कीले बहुमतको विश्वासको मत प्राप्त गरेका छन्। विराटनगरस्थित प्रदेश सभामा बुधबार सम्पन्न बैठकमा मुख्यमन्त्री कार्कीको पक्षमा ८६ मत पाए । ९१ जना प्रदेश सभाको उपस्थितिमा भएको मतदानबाट विपक्षमा मात्र ५ मत खसेको थियो ।
यससँगै कार्की प्रदेशको दोस्रो संस्करणको सरकारमा पाचौं मुख्यमन्त्री हुनु भएको छ । मुख्यमन्त्री कार्कीले संविधानको धारा १६८ को उपधारा ४ बमोजिम ४७ जना प्रदेश सभासदस्यको साथमा असोज २६ मा मुख्यमन्त्रीको दाबी गर्नुभएको थियो । ८ जना काँग्रेस प्रदेश सभासदस्य र ३९ जना नेकपा एमालेको समर्थन दाबी रहेको कार्कीलाई २७ गते प्रदेश प्रमुख परशुराम खापुङले मुख्यमन्त्रीमा नियुक्त गर्नुभएको हो ।
त्यसैगरि, प्रदेश प्रमुख खापुङले कार्कीलाई असोज २८ गते घटस्थापनाको दिनमा मुख्यमन्त्रीको सपथ ग्रहण गराउनुुुएओ थियो ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
