जिल्ला प्रहरी कार्यालय मुस्ताङले मनायो ६८औं प्रहरी दिवस

मुस्ताङ ।

६८ औ प्रहरी दिवश जिल्ला प्रहरी कार्यालय मुस्ताङले बिबिध कार्यक्रम गरि मनाएको छ ।

मुस्ताङका प्रमुख जिल्ला अधिकारी जनकराज पन्तले नेपाल प्रहरीका सकल दर्जालाई प्रहरी दिवसको अवसरमा शुभकामना दिदै कर्तब्य पालनको शिलशिलामा प्राणको आहुति दिने अमर प्रहरी प्रति भावपूर्ण श्रदान्जली अर्पण गर्नुभएको थियो ।

प्रमुख अतिथि प्रजिअ पन्त सहित अतिथिहरुले अमर प्रहरीको सम्झनानामा निर्मित अमर प्रहरी स्मारकमा पुष्प गुच्छा अर्पण गर्नुभयो ।
साथै सो अबसरमा कार्यक्षेत्रमा उत्कृष्ठ कार्य गर्ने ११ जना विभिन्न दर्जाका प्रहरी अधिकृत तथा जवानहरु, विभिन्न खेलमा बिजयी हुने खेलाडीहरुलाई पुरस्कार समेत बितरण गरिएको थियो । कार्यक्रममा कार्यालय प्रमुख प्रहरी नायव उपरीक्षक भोजराज पाण्डेयले अतिथिहरुमा धन्यबाद ज्ञापन गर्नु भएको थियो ।

प्रहरी निरीक्षक मिलन बि क को स्वागत र दिनेश गौतमले कार्यक्रमको संचालन गर्नुभएको कार्यक्रममा विभिन्न कार्यालयका कार्यालय प्रमुखहरु, पत्रकार,विद्यार्थी र प्रहरी कर्मचारीहरु समेत गरि १०० जना भन्दा बढीको उपस्थिति रहेको थियो ।