नवलपरासीमा चक्कु प्रहारबाट एक पुरुष घाईते
Sabalnews
प्रकाशित मिति :
बिहिबार, साउन १८ २०८०
नवलपरासी ।
नवलपरासी पाल्हिनन्दन गा.पा. २ भक्सिपुर स्थित हरपुर मा.वि. पछाडी रहेको रामजानकी मन्दिरका पुजारी जयसराज पाण्डे चक्कु प्रहारबाट घाइते भएका छन् ।
बिहिबार दिउसो साढे ३ बजे ५०/५५ बर्षका पाण्डेलाई अपरिचित व्यक्तिले टाउकोमा चक्कु प्रहार घाइते बनाएको नवलपरासी प्रहरीले जनाएको छ ।
बिगत २ बर्ष देखी पुजारीको काम गर्ने उनलाई अपरिचित व्यक्तिले टाउकोमा चक्कु प्रहार गरी घाइते बनाई मोबाइल लुटेर लगेको जिल्ला प्रहरी कार्यालय नवलपरासीले जानकारी दिएको छ ।
घटनाको खबर पाए संगै स.प्र. बल नेपाल नं. २६ गण हे.क्वा. बेलासपुरबाट, प्रहरी नायव निरीक्षक पिंकल बि.क.को कमाण्डमा ३ जनाको टोली र ईलाका प्रहरी कार्यालय महेशपुरबाट प्रहरी निरीक्षक मेघनाथ चापाँगाईको कमाण्डमा ५ जनाको प्रहरी टोली खटिएका थिए । घटना लगत्तै घाईतेलाई तत्काल उपचारको लागी जिल्ला अस्पताल परासीमा पठाईएको थियो । पाण्डेको अबस्था मध्यम रहेको बोल्न नसक्ने रहेको र चक्कु प्रहार गर्ने मानिसको खोजतलास तथा थप अनुसन्धान कार्य भईरहेको प्रहरीले जनाएको छ ।
