तिलोत्तमामा आरन व्यवसायीहरुलाई औजार वितरण
Sabalnews
प्रकाशित मिति :
मंगलबार, असार १९ २०८०
रुपन्देही ।
तिलोत्तमा नगरपालिकाका नगरप्रमुख रामकृष्ण खाणले आरन पेशाको संरक्षण गर्नका लागि आरन व्यवसायीहरुलाई औजार एवं सामाग्री वितरण गर्नुभएको छ ।
आरन पेशा पुरानो र पछिल्लो समय लोप हुनै लाग्ने अवस्थामा रहेकाले यसलाई जोगाउनका लागि पनि आरन पेशाका लागि आवश्यक पर्ने औजार वितरण गरिएको तिलोत्तमा नगरपालिका प्रमुख रामकृष्ण खाँणले बताउनुभयो । ‘आरन पेशा धेरै पुरानो पेशा पनि हो । पछिल्लो समय यो लोप नै भएर जाने अवस्थामा रहेको छ, उहाँले भन्नुभयो-‘यसको संरक्षण र यस पेशामा आकर्षित गर्नका लागि लामो समयदेखि यो पेशा गर्दै आउनु भएकाहरुको समान स्वरुप औजार तथा सामाग्री दिन लागिएको हो । यसबाट रोगगारीको सृजनापनि हुन्छ । यसकारण आरन संरक्षण गर्नुपर्छ ।’
नगर प्रमुख खाँणले तिलोत्तमाले सबै पेशा र व्यवसायलाई समान रुपमा हेर्ने गरेको र नगरपालिकाले सहयोग गर्न सक्ने सबै कुरामा आवश्यक समन्वय गरी अभिभावकीय भूमिका निर्वाह गर्ने बताउनुभयो ।
