विश्व वातावरण दिवसमा नबदुर्गा माबिमा सरसफाइ
Sabalnews
प्रकाशित मिति :
सोमबार, जेष्ठ २२ २०८०
पाल्पा ।
नबदुर्गा माध्यमिक विद्यालय रामपुर ६ मा विश्व वातावरण दिवसको अवसरमा विद्यालय वरपर सरसफाई गरिएको छ ।
विश्व वातावरण दिवसको अवसरमा वातावरण सफा र स्वच्छ राख्न सबैको समान दायित्व र जिम्मेवारी रहने भएकोले विद्यालयका विद्यार्थी, शिक्षकले विद्यालय वरपर सरसफाइ गरेका हुन् ।
बार्षिक कार्यक्रम अन्तर्गत दिवसको अबसरमा सरसफाई कार्यक्रम गरिएको विद्यालयका सुचना अधिकारी तथा सहायक प्रध्यानध्यापक कोमल चन्द्र कंडेलले बताउनुभयो ।
विद्यालय वरपर रहेका कागजजन्य चिजहरुले बातावरणलाई दुषित बनाउने हुदा यस्ता बस्तुहरु संकलन पश्चात नष्ट गरिएको हो । सफा वातावरणमा पढ्न र पढाउन पर्छ भन्ने ध्ययले बार्षिक कार्यक्रम अनुसार नै विद्यालय हाताभित्र सरसफाइको आयोजना गरिएको कक्षा १० का बिध्यार्थी समिर अधिकारीले बताउनुभयो ।
कक्षा ९ र १० का बिध्यार्थीहरुको सक्रियता र शिक्षकहरुको सहयोगमा सरसफाईलाई अभियानको रुपमा लगेको शिक्षक दिपेन्द्र भट्टराईले जानकारी दिनुभयो ।
सबै मिलेर गाउँ टोल, समुदाय र समाजलाई सरसफाईको माध्यमबाट सकारात्मक उर्जा दिई मेलमिलापको भावनामा समेत जाग्रित गराउने हुदा सरसफाई कार्यक्रम गरिएको बिध्यालयका प्रध्यानध्यापक भानुभक्त न्यौपानेले बताउनुभयो ।
