जेठ ३ गते रामपुरमा जग्गाधनी पुर्जा बितरण हुने
Sabalnews
प्रकाशित मिति :
सोमबार, जेष्ठ १ २०८०
तस्वीर- फाइल
पाल्पा ।
४० वर्षपछि जग्गाधनी प्रमाणपत्र पुर्जा बितरण शुरु गरिएको पाल्पाको व्यापारिक केन्द्र रामपुरमा जेठ पहिलो हप्ता पुनः थप पुर्जा बितरण गरिने भएको छ ।
राष्ट्रिय भुमि आयोग जिल्ला समिति पाल्पाले ३ महिना अघि केन्द्रिय अध्यक्षबाट पुर्जा बितरण थालेकोमा थप ३ सय बढी अव्यवस्थित बसोबासी नागरिकलाई जेठ ३ गते पुर्जा बितरण गर्ने राष्ट्रिय भुमि आयोग जिल्ला समिति पाल्पाका अध्यक्ष मोहनलाल गैरेले जानकारी दिनुभयो ।
रामपुर नगरपालिका वडा नम्बर ५,६ र ७ अर्थात् साविक रामपुर गाबिस भित्रका प्रक्रिया पूरा भएर राजस्व बुझाएका ३ सय ५५ जग्गाको पुर्जा तयार भएको र जग्गाधनीलाई पुर्जा बितरण गर्ने अध्यक्ष गैरेले बताउनुभयो ।
राष्ट्रिय भुमि आयोग जिल्ला समिति पाल्पा र स्थानीय तह रामपुर नगरपालिकाको समन्वयमा आउदो बुधबार दिउँसो १ बजे पुर्जा बितरण गर्ने भएकाले राजस्व संकलन गरिसक्नुभएका यस चरणमा पुर्जा पाउने नागरिकलाई समयमै उपस्थित भईदिन अनुरोध गरेको छ ।
