घाँस झार्ने क्रममा करेन्ट लाग्दा पाल्पामा एक युवकको ज्यान गयो
घाँस झार्ने क्रममा करेन्ट लाग्दा पाल्पामा एक युवकको ज्यान गयो
Sabalnews
प्रकाशित मिति :
मंगलबार, बैशाख २६ २०८०
7.9K
पाल्पा ।
करेन्ट लागेर पाल्पाको रामपुर नगरपालिका ५ भम्बकमा एक युवकको ज्यान गएको छ ।
घर नजिककै रुखको घाँस झार्ने क्रममा करेन्ट लाग्दा रामपुर नगरपालिका ५ भम्बक बस्ने ३२ वर्षका गोविन्द कुमालको ज्यान गएको प्रहरीले जनाएको छ ।
मंगलबार बिहान झण्डै साढे ७ बजे घर नजिकै काब्रोको घाँस झार्ने क्रममा कुमाललाई करेन्ट लागेको थियो । घाँसको हागो नाङ्गो तारमा अड्कीए पछि उनलाई करेन्ट लागेर भुँईमा खसेका थिए । गम्भीर घाईते उनलाई तत्काल उपचारको लागि रामपुर अस्पताल लगिएकोमा डाक्टरले मृत घोषणा गरेको ईलाका प्रहरी कार्यालय रामपुरका वरिष्ठ प्रहरी नायव निरीक्षक दल बहादुर बुढाले जानकारी दिनुभयो ।
शव रामपुर अस्पतालमा राखिएको छ । घटनाको विषयमा अनुसन्धान भैरहेको प्रहरीले जनाएको छ ।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
