प्रधानमन्त्री प्रचण्डद्दारा मन्त्रीमण्डल बिस्तार, काङ्ग्रेसबाट थपिए तिन मन्त्री
Sabalnews
प्रकाशित मिति :
बुधबार, बैशाख २० २०८०
काठमाडौं ।
प्रधानमन्त्री पुष्पकमल दाहालले बुधबार फेरि मन्त्रिपरिषद् विस्तार गर्नुभएको छ । प्रधानमन्त्री दाहालको सिफारिसमा राष्ट्रपति रामचन्द्र पौडेलले संविधानको धारा ७६ को उपधारा (९) बमोजिम बुधबार तीन मन्त्रीहरु नियुक्त गरी कार्यभार समेत तोक्नुभएको छ ।
प्रधानमन्त्री प्रचण्डले यस संगै ९ पटक मन्त्रीमण्डल बिस्तार गर्नुभएको छ तर पुर्णता भने पाएको छैन ।
नेपाली कांग्रेसबाट नियुक्ति भएका मन्त्रीमा उपसभापति धनराज गुरुङ कानुन, न्याय तथा संसदीय मामिला, मोहनबहादुर बस्नेत स्वास्थ्य तथा जनसंख्या र डिगबहादुर लिम्बू युवा तथा खेलकुदमन्त्री हुन् ।
राष्ट्रपति कार्यालयका प्रवक्ता सागर आचार्यले प्रधानमन्त्री दाहालको सिफारिसमा राष्ट्रपति पौडेलले गुरुङ, बस्नेत र लिम्बूलाई मन्त्री नियुक्त गरी कार्यभार तोकेको जानकारी दिनुभयो।
राष्ट्रपति कार्यालयकाअनुसार मन्त्रीहरुको सपथ बिहीबार दिउँसो तीन बजे हुनेछ ।
