फागुन १५ मगर दिवस यसबर्ष पनि दियो रानपाले सार्वजनिक बिदा
Sabalnews
प्रकाशित मिति :
आइतबार, फाल्गुन ७ २०७९
पाल्पा ।
मगर समुदायको बाहुल्यता रहेको पाल्पाको रामपुर नगरपालिकाले फागुन १५ गते सार्वजनिक बिदा दिने भएको छ ।
नगरपालिकाले बिगतका बर्षमा जस्तै राष्ट्रिय मगर एकता दिवसका अवसरमा फागुन १५ गतेका दिन सार्वजनिक बिदा दिने निर्णय गरेको जनाएको छ ।
विगत केही बर्षदेखि निरन्तर रुपमा फागुन १५ गते दिदैँ आएको बिदालाई नगरपालिकाले कार्यपालिका बैठकमा निर्णय गरेर बिदालाई निरन्तरता दिने भएको हो ।
यस क्षेत्रमा बसोबास गर्ने मगर समुदायले उक्त दिन उत्सवको रुपमा मनाउने भएकोले कार्यापालिका बैठकले सार्वजनिक विदा दिने निर्णय गरेको रामपुर नगरपालिकाका नगर प्रमुख रमण बहादुर थापाले बताउनुभयो ।
फागुन १५ लाई यस क्षेत्रमा बसोबास गर्ने मगर समुदाय र मगर समुदायका विभिन्न संघ सस्थाले विभिन्न सांस्कृतिक झाँकी सहित भव्यताका साथ दिवस मनाउने गर्दछन् ।
यस बर्ष पनि एकिकृत मगर उत्थान समाज रामपुर पाल्पा र नेपाल मगर संघको संयुक्त आयोजनामा राष्ट्रिय मगर एकता दिवस मनाउने तयारी रहेको एकिकृत मगर उत्थान समाज रामपुरले जनाएको छ ।
