रामपुर महोत्सवमा फागुन ५ गते शुक्रबार सबै धमाकेदार कलाकार आउने
Sabalnews
प्रकाशित मिति :
बिहिबार, फाल्गुन ४ २०७९
पाल्पा ।
जारी रामपुर महोत्सव तथा व्यापार मेलाको आठौं दिन फागुन ५ गते राष्ट्रिय स्तरका सबै चलेका कलाकारको प्रस्तुति रहनेछ ।
नेपाली गित संगीतका धमाकेदार कलाकारहरु शुक्रबार रामपुर महोत्सवमा रम्ने रमाउने रामपुर उद्योग वाणिज्य संघका कोषाध्यक्ष राजेन्द्र देवकोटाले जानकारी दिनुभयो । शुक्रबार लोक तथा दोहोरी गीत प्रतिष्ठानका पुर्व अध्यक्ष बद्री पङेनी, आधुनिक तथा गजल गायक राज सिग्देल सहितका कलाकार हुनेछन् ।
शुक्रबारको प्रस्तुतिमा लोक तथा दोहोरी गायिका सम्झना लामिछाने मगर, लोकदोहोरी गायक राजन कार्की, मोडल बिमल अधिकारी र अञ्जली अधिकारीको प्रस्तुती रहनेछ ।
उद्योग वाणिज्य संघको आयोजना र रामपुर नगरपालिकाको संरक्षकत्वमा माघ २७ देखि जारी महोत्सव मेलामा स्थानीय उत्पादन, व्यापार व्यबसायका स्टलमा बिक्री भइरहेको छ ।
यसैबीचमा जिल्ला स्तरीय भलिबल प्रतियोगिता र लोकदोहोरी प्रतियोगिता एवं नृत्य प्रतियोगीता पनि संचालन भइरहेको छ ।
