जुनतारा युवा क्लबद्दारा आयोजित भलिबल प्रतियोगितामा सोमबार ३ खेल सम्पन्न

पाल्पा ।

जुनतारा युवा क्लबको आयोजनामा पाल्पाको रामपुरमा जारी भलिबल प्रतियोगितामा सोमबार पनि ३ खेल सम्पन्न भएको छ ।
क्लबको बार्षिकोत्सवको अबसरमा आयोजित महिला तथा पुरुष भलिबल प्रतियोगिता अन्तर्गत महिला तर्फ एक खेल र पुरुष तर्फ २ खेल भएको आयोजकले जानकारी दिएको छ ।
सोमबारको पहिलो खेल महिला भलिबल प्रतियोगिता भएको थियो । जसमा रामपुर ४ र रामपुर १० बिच भएकोमा रामपुर ४ ले २५-२१ र २५-११ को सोझो सेटमा जित हात पार्न सफल भएको क्लबका अध्यक्ष राजन आलेले जानकारी दिनुभयो ।

सोमबार नै भएको पुरुष भलिबल तर्फको पहिलो खेलमा रामपुर ६ बिजयी भएको छ । रामपुर ६ र रामपुर १० बिचको खेलमा २-१ सेटले रामपुर ६ बिजयी भएको हो ।
पहिलो सेट १० नम्बर वडाले २५-२२ ले जितेकोमा दोस्रो सेट २७-२५ र तेस्रो सेट १५-११ ले लगातार वडा नम्बर ६ ले जितेको थियो ।

पुरुष तर्फ दोस्रो तथा सोमबारको अन्तिम खेलमा रामपुर ३ र रामपुर ८ भिडेका थिए । जसमा २५-१८ र २५-१९ को सोझो सेटमा रामपुर ३ ले खेल जितेको हो ।

खेल र खेलाडीको उत्थानका लागि भलिबल खेल आयोजना गरेको क्लबका अध्यक्ष आलेले बताउनुभयो । मंगलबार ४ वटा खेल खेलाउने तयारीमा क्लब रहेको क्लबका कोषाध्यक्ष गोबिन्द रानाले जानकारी दिनुभयो ।