दोस्रो बिशाल लुम्बिनी लोक दोहोरी अवार्ड मनोनयन खुल्ला
Sabalnews
प्रकाशित मिति :
बिहिबार, माघ ५ २०७९
लुम्बिनी ।
बिशाल मुभिजको आयोजनामा दोस्रो बिशाल लुम्बिनी लोक दोहोरी अवार्डको मनोनयन खुला भएको छ ।
यही माघ १ गते बाट अवार्डको मनोनयन फाराम खुल्ला गरिएको छ । लोक तथा दोहोरी बिधा संग सम्बन्धित रहेर ३२ विधामा अवार्ड गर्न लागिएको अवार्ड कार्यक्रमका
संयोजक धिरज खत्रीले जानकारी दिनुभयो ।
२०७८ बैसाख देखि २०७९ मंसीर सम्म बजारमा आएका गीतहरुलाई अवार्डमा समाबेश गरिने साथै यही फागुनको पहिलो साता उत्कृट पाँचको मनोनयन सार्वजनिक गरिने आयोजकले जनाएको छ । यसका साथै चैतको पहिलो साता अवार्डको फाइनल कार्यक्रम गरिने आयोजक संस्था बिशाल मुभिजका अध्यक्ष हुम गैरेले बताउनुभयो । ७ सदस्यीय जुरी निर्णयक रहेको अवार्डमा उत्कृष्ट पाँचको मनोनयन सार्वजनिक भएपछि भोटीङ सुरु हुनेछ ।
एसएमएस भोटिङ्गबाट आएको मतलाई ४० प्रतिशत मान्यता दिईने छ भने ५० प्रतिशत निर्णयक मण्डलको र १० प्रतिशत आयोजकको निर्णय लागु हुने अवार्ड कार्यक्रमका संयोजक खत्रीले जानकारी दिनुभयो।
