नेपाली समाज युएईको अध्यक्षमा पाल्पाली अर्याल
Sabalnews
प्रकाशित मिति :
बिहिबार, पौस २८ २०७९
दुबई ।
नेपाली समाज युएईको १५ औ महाधिवेशनले पाल्पाली युवा बेद प्रसाद अर्याललाई अध्यक्षमा सर्वसहमत निर्वाचित गरेको छ ।
लामो समयदेखि युएईमा रहेर कम संगै सामाजिक कार्यमा सक्रिय अर्याल समाजको निवर्तमान महासचिव हुँदै अध्यक्ष हुनुभएको हो । पाल्पा निस्दी ५ गल्धाका अर्याल पाल्पाली समाज युएईको १ कार्यकाल अध्यक्ष र महासचिव भएर काम गरिसक्नु भएको छ ।
अधिबेशनले समाजको पार्षद अध्यक्षमा राम मुक्तान, उपाध्यक्षमा कमल गिरी, भुवन थापा मगर, रेशम खनाल, महासचिवमा केदार कुवर, सचीवमा प्रकाश बडु, कोषाध्यक्षमा बाबुराम सुनार, सह-कोषाध्यक्षमा बिष्णु पन्थीलाई चयन गरेको छ ।
अधिबेशनका अबसरमा नेपाली समाज युएईले कोभिडको महामारीका समयमा गरेको सामाजिक कार्यको मुल्यांकन गर्दै विभिन्न व्यक्ति सस्थालाई सम्मान गरेको छ ।
अधिबेशन समाजका निवर्तमान अध्यक्ष गोबिन्द ढकालको अध्यक्षतामा भएको हो । कार्यक्रममा अध्यक्ष ढकालले युएईमा रहेका सम्पुर्ण राजनीतिक बैचारिक संगठन र अरु विभिन्न संगठनहरुले दिएको साथ र हौसला प्रति धन्यवाद दिदै सबैले समाजको गरिमा अडिक राख्नुपर्नेमा जोड दिनुभयो ।
नवनिर्वाचित नेपाली समाजका अध्यक्ष बेद प्रसाद अर्यालले सबैको साथ सहकार्य र हौसलाबाट निर्वाचित समाज अझ कटिबद्ध भएर नेपालीको सेवामा लाग्ने प्रतिबद्धता जनाउनुभएको छ । उहाँले युएईमा रहेका नेपालीलाई कुनै पनि दु:ख, कष्ट, जालझेल नपरोस् भनेर समाज दत्तचित्त रहने बताउदै नेपाल र नेपालीको हितको लागि काम गर्ने बताउनुभयो ।
