आज “नेपाली टोपी दिवस” र अङ्ग्रेजी नयाँ बर्ष मनाइदै

काठमाडौं ।

आज सन् २०२३ को पहिलो दिन, जनवरी १ तारिख “नेपाली टोपि दिवस” साथै अङ्ग्रेजी नयाँ वर्ष मनाइदैछ ।

वीरको शिरलाई नेपाली टोपीले नेपालीको पहिचान, रगत र पसिनाको मेहनतलाई खेत देखि विदेशसम्म नेपालीपनको शान नेपाली टोपीले दिदै आएको र बिश्व जगतमा नेपाल र नेपालीपन चिनाउन टोपी दिवस मनाउन थालिएको हो ।

हरेक वर्ष जनवरि १ तारिखमा नेपाली टोपी दिवस स्व स्फूर्त रूपमा नेपालीले मनाउँदै आएका हुन् । नेपाली टोपीको प्रवर्द्धन गर्नका लागि भन्दै केही वर्षदेखि अङ्ग्रेजी नयाँ वर्षको पहिलो दिन पारेर यो दिवस मनाउन थालिएको हो ।

जङ्गबहादुर राणाकी बहिनी डम्बरकुमारीले आफ्ना दाजुलाई खुशी पार्न पहिलो पटक टोपी बनाएर उपहार दिएको संस्कृतविद्को भनाइ छ ।

नेपाल बाहिर रहेका नेपाली र नेपाली भाषीहरुले पनि नेपाली टोपी दिवस भव्य मनाउदैछ्न्। नेपाली टोपीको साइनो पाल्पा देखि बङ्लादेशको ढाका, कश्मीर, टर्की, कैलाश पर्वतसंग जोडिन्छ ।

विशेषतः भाद्गाउँले टोपी र ढाका टोपीलाई नेपाली टोपीका रुपमा लिने गरिन्छ । तर नेपालका विभिन्न समुदायले आ–आफ्नो पहिचान र परम्परा झल्किने खालका टोपी लगाउने गर्छन् ।