पाल्पा क्षेत्र नं.१ का जनतालाई विकास हामी दिन्छौ- समानुपातिक उमेदवार सन्दिप राना

पाल्पा क्षेत्र नं.१ का जनतालाई विकास हामी दिन्छौ- समानुपातिक उमेदवार सन्दिप राना

Sabalnews प्रकाशित मिति : सोमबार, कार्तिक २८ २०७९

799

पाल्पा ।

नेपाली कांग्रेसका प्रतिनिधि सभाका समानुपातिक उम्मेद्वार सन्दिप रानाले पुर्वी पाल्पाका जनताको विकासमा गठबन्धन अग्रसर भएको बताउनुभएको छ ।

लामो समय केन्द्रिय राजनिती र नेता संग नजिक रहनुभएका रानाले अब पुर्वी पाल्पाको परिवर्तनको लागि आफू आएको बताउनुभयाे । हामीले पुर्वी पाल्पाको रामपुर, झिरुवासको काउलेडाडा, मित्यालका बस्ती, सहलकोटका गुफा सहित यस ठाउँको सम्भावना देखेका छौं ।” मौलिकता जोगाउन देखि परम्परागत कृषिमा आधारित जनतालाई सक्षम बनाउन, जीवन स्तर सुधार गर्नका लागि अबको ५ वर्ष जनताको लागि खर्चने बताउनुभयो” ।

पाल्पाका ग्रामीण तथा फाँटमा रहेका विभिन्न जातिका कला र संस्कृतिको संरक्षण जगेर्ना गर्न र अन्य पूर्वाधार विकासका कामलाई अघि बढाउने संकल्पका साथ अघि बढेको बताउनुभयो । रानाले पाल्पा, स्याङ्जा, गुल्मी, तनहुँ, नवपुरका जनतालाई मध्येनजर गर्दै रामपुरमा मेडिकल कलेज स्थापना गर्ने संकल्प गरेका छन् ।

उहाँले कालीगण्डकी उपत्यकाको विकास र समृद्धिका लागि कालीनदीको महत्वपूर्ण भुमिका रहेको भन्दै आफ्नो एक थोपा रगत रहुन्जेल सम्म एक थोपा पानी पनि डाईभर्सन गर्न नदिने प्रतिवद्धता जनाउनुभएको छ ।

घरदैलो कार्यक्रममा नेपाली कांग्रेस, एकिकृत समाजवादी, नेकपा माओवादी, राष्ट्रिय जनमोर्चा लगाएत विभिन्न दलका नेता तथा कार्यकर्ताहरुको उपस्थिति रहेको थियो ।

प्रतिकृया दिनुहोस