नेपाल राष्ट्रिय मगर संघको केन्द्रीय सभापतिमा दिनेश थापा मगर
Sabalnews
प्रकाशित मिति :
शनिबार, साउन १४ २०७९
काठमाडौं ।
नेपाली कांग्रेसको भातृ संस्था लोकतन्त्रवादी मगरहरुको साझा संगठन नेपाल राष्ट्रिय मगर संघको केन्द्रीय सभापतिमा दिनेश थापा मगर सर्वसहमतिमा चुनिनुभएको छ ।
नेपाली कांग्रेस केन्द्रीय कार्यालय सानेपामा शनिबार बसेको बैठकले रिक्त रहेको मगर संघको अध्यक्षमा थापा मगरलाई चयन गरेको हो ।
मगर नेपाली कांग्रेसको विभिन्न जिम्मेवारीमा रहदै आउनुभएको थियो । नेपाली कांग्रेसको सूचना सञ्चार तथा प्रचार विभागको निवर्तमान सचिव रहनुभएका थापा नेपाल राष्ट्रिय मगर संघको संस्थापक सचिव, महासचिव, उपसभापति हुदै सभापति हुनुभएको हो । उहाँले सभापति चयन भए पश्चात् लोकतन्त्रमा आस्थावान मगर समुदायको कला सस्कृति बचाउदै पार्टी एवं राज्यका विभिन्न तहमा स्थापित गर्न आफ्नो भुमिका केन्द्रित हुने बताउनुभयो भने निर्धारित समयमा नै राष्ट्रिय महाधिवेशन गरि नेतृत्व हस्तान्तरण गर्ने प्रतिबद्ध व्यक्त गर्नुभयो।
