रामपुर नगर सरकारको आगामी बर्षको बजेट ७२ करोड, ४७ लाख ९५ हजार

पाल्पा ।

रामपुर नगरपालिकाको शुक्रवार सम्पन्न नगर सभाले आगामी आर्थिक वर्षको लागि ७२ करोड, ४७ लाख ९५ हजार रुपैयाँ रकम विनियोजन गरेको छ ।

नगर सभामा आर्थिक वर्ष २०७९/०८० को विनियोजन विद्येयक र आर्थिक बिधेयक ऎन प्रस्तुत गर्दै नगर उपप्रमुख बालकुमारी थापाले ७२ करोड ४७ लाख ९५ हजार रुपया रकम सार्वजनिक गर्नुभयो । जस अन्तर्गत संघ तर्फ ६० करोड ४४ लाख ६४ हजार, प्रदेश तर्फ ६ करोड ३ लाख ३१ हजार र आन्तरिक स्रोत ६ करोड आम्दानी गर्ने लक्ष्य लिएको छ ।

खर्च अन्तर्गत वडागत बजेट ५ करोड २० लाख, सशर्त कार्यक्रम ३५ करोड ४४ लाख, क्षेत्रगत कार्यक्रममा ३१ करोड ८३ लाख ९५ हजार विनियोजन गरेको छ । बिषयगत कार्यक्रम मध्ये आर्थिक विकासमा ४ करोड ४५ लाख ७५ हजार ३ सय, सामाजिक विकासमा ७ करोड ३२ लाख ३० हजार ८ सय ५०, पूर्वाधार विकासमा ११ करोड १४ लाख, ३८ हजार २ सय ५०, विपद व्यवस्थापन तर्फ ९५ लाख ५१ ह्जार ८ सय ५० र सुशासन तथा प्रशासनिक खर्चमा ७ करोड ९५ लाख ९८ हजार ७ सय ५० विनियाजन गरेको छ ।

पूर्वाधार विकास, शिक्षा, स्वास्थ्य, कृषि र पर्यटनलाई प्राथमिकतामा राखेर एघारौं नगर सभामा रामपुर नगरपालिकाका नगर प्रमुख रमण बहादुर थापाले प्रस्तुत गर्नुभएको आर्थिक वर्ष २०७९/०८० को नीति तथा कार्यक्रम संशोधन सहित सर्वसहमतिले पारित गरेको छ । नयाँ योजना संगै पुराना योजनालाई नीति तथा कार्यक्रमले समेटेको छ ।

सहज सेवा, नमुना र सुन्दर नगर तथा नागरिकमा स्थानीय सरकारको महशुस हुने गरि यसै बर्ष र आगामी दीर्घकालीन योजना तथा सम्भाव्यताको खोजी गर्ने गरि नगरले कार्यक्रम ल्याएको छ ।