बलात्कार आरोपमा फरार पुरुष पक्राउ
Sabalnews
प्रकाशित मिति :
मंगलबार, जेष्ठ ३१ २०७९
पाल्पा ।
बालिकालाई जबरजस्ती करणी गरी फरार रहेका पुरुषलाई जिल्ला प्रहरी कार्यालय पाल्पाले नियन्त्रणमा लिएको छ । जिल्लाको रैनादेवी छहरा गाउँपालिकामा बस्ने १४ वर्षीया एक बालिकालाई करणी गरेको आरोप लागेका रिब्दीकोट गाउँपालिका वडा नं. १ ख्याहाका ३९ वर्षीय विष्णुबहादुर विकलाई प्रहरीले पक्राउ गरेको हो ।
विक गत साता रिब्दीकोट गाउपालिका वडा नं.२ को सानोदमकस्थित जंगलको खोल्सामा जबरजस्ती करणी गरी फरार भएका थिए।
जिल्ला प्रहरी कार्यालय पाल्पाका सूचना अधिकारी वीरेन्द्र थापाका अनुसार पीडित बालिकाको आमाले प्रहरीमा जाहेरी दिएपछि प्रहरी चौकी सर्देवा र जिल्ला प्रहरी कार्यालयको अनुसन्धान अधिकृतसहितको टोलीले सोमबार राति वि.क.लाई पक्राउ गरेको हो ।
उनलाई रिब्दीकोट गाउँपालिका वडा नं. ६ स्थ्ति तल्लो तालबाट पक्राउ गरिएको र अनुसन्धान जारी रहेको प्रहरीले जनाएको छ । आरोपित वि.क. पछिल्लो समय तानसेन नगरपालिका वडा नं. १४ स्थित रनुवामा बस्दै आएका थिए ।
