नेकपा एकीकृत समाजवादीले गर्यो मन्त्रीहरू हेरफेर
Sabalnews
प्रकाशित मिति :
आइतबार, जेष्ठ २२ २०७९
काठमाडौं ।
नेकपा एकीकृत समाजवादीले आफ्नो पार्टीका मन्त्रीहरू हेरफेर गरेको छ ।
मन्त्रीहरू प्रेमबहादुर आले, रामकुमारी झाँक्री, विरोध खतिवडा र किसान श्रेष्ठलाई फिर्ता बोलाउँदै उनीहरूको ठाउँमा नयाँ मन्त्रीको नाम सिफारिस गरेको छ । नेकपा एकीकृत समाजवादीका अध्यक्ष माधव कुमार नेपालले पार्टीका नेताहरु मेटमणि चौधरी, शेरबहादुर कुँवर, जीवनराम श्रेष्ठ र हिराचन्द्र केसीलाई मन्त्री बनाउन प्रधानमन्त्री समक्ष सिफारिस गर्नुभएको छ।
सिफारिस मध्ये शेरबहादुर कुँवर गैर सांसद हुन् । सुदूरपश्चिमबाट यश अघिका राष्ट्रियसभा सदस्य उनको कार्यकाल गत फागुनमा सकिएको हो । यसअघि देउवा सरकारका कानून न्याय तथा संसदीय मामिला मन्त्रालयका मन्त्री गोविन्द बन्दी पनि गैर सांसद मन्त्री थिए । बन्दी पनि नेकपा एस निकट हुन् ।
अध्यक्ष नेपालले ६ महिनामा मन्त्रिमण्डल हेरफेर गर्ने पार्टीको सहमतिअनुसार नै मन्त्री फेरबदल भएको बताएका छन् ।
