सवारी अनुमतिपत्रका लागि सबै अनलाइन आवेदन रद्द
काठमाण्डाै ।
यातायात व्यवस्था विभागले सवारी अनुमतिपत्र लाइसेन्सका लागि भरेका सबै अनलाइन आवेदन रद्द गरेको छ ।
विभागले साेमवार सूचना निकालेर नयाँ अनलाइन प्रणाली सुरु गर्न लागेको भन्दै नयाँ तथा वर्ग थपका लागि अहिलेसम्म लिइएका सबै अनलाइन आवेदन रद्द गरेको जनाएको हो ।
अब नयाँ लाइसेन्सका लागि सोमबार नै बेलुका ६ बजेदेखि आवेदन खुला हुने जनाएको छ । वर्ग थपका लागि अर्को हप्ताको सोमवारदेखि आवेदन खुला हुने विभागको भनाई छ ।
विभागका अनुसार अब applydl.dotm.gov.np मा लग इन गरी नयाँ आवेदन भर्नुपर्ने हुन्छ ।
