निस्दीको अर्चले स्वास्थ्य चौकीमा व्यवस्थापन समिति गठन
Sabalnews
प्रकाशित मिति :
शनिबार, जेष्ठ १४ २०७९
पाल्पा ।
पाल्पाको निस्दी गाउँपालिका वडा नम्बर-६,अर्चले स्वास्थ्य चौकीमा स्वास्थ्य चौकी सन्चालन तथा व्यवस्थापन समिति गठन भएको छ ।
वडाका निवर्तमान कार्यबाहक वडाध्यक्ष उजुरसिं रानाको अध्यक्षतामा बसेको बैठकले नवनिर्वाचित वडाध्यक्ष मेख बहादुर सुनारीको अध्यक्षतामा ७ सदस्यीय सन्चालन तथा व्यवस्थापन समिति गठन गरेको हो । समितिको उपाध्यक्षमा मिम्श्री बयम्बु र सदस्यहरुमा महिला स्वास्थ्य स्वयंसेविका पानकुमारी बयम्बु, एम बहादुर सार्की, लिमीसरा राना र सदस्य सचिवमा स्वास्थ्य चौकी प्रमुख मीन बहादुर राना रहनुभएको हो । साथै वडाध्यक्ष सुनारीकै अध्यक्षतामा १५ सदस्यीय खोप समन्वय समिति गठन गरेको छ ।
यसैबिच सामुदायिक महिला स्वास्थ्य स्वयंसेविकाद्वारा नवनिर्वाचित जनप्रतिनिधिहरुलाई स्वागत तथा सम्मान कार्यक्रम समेत सोही अबसरमा भएको छ ।
स्वास्थ्य चौकी प्रमुख मिन बहादुर रानाको स्वागत मन्तव्य र अनमी देवती रानाको संचालनमा कार्यक्रम भएको हो ।
