पर्सामा गोली चल्यो, अनुसन्धान जारी-प्रहरी
पर्सा ।
पर्साको सखुवाप्रसौनी गाउँपालिकामा बिहिबार राती गोली चलेको छ । सखुवाप्रसौनी गाउँपालिका– १ औराहामा राति करिब साढे ९ बजेतिर गोली चलेको हो ।
स्थानीयले दुई राउण्ड गोली चलेको आवाज सुनेको बताएका छन् । स्थानीयले गोलीको आवाज सुनेपछि प्रहरीलाई खबर गरेका थिए । स्थानीय मंगल बहादुर ब्लोनको घरको धानको भकारीमा गोलीको अगाडिको भागले लागेको देखिएको प्रहरीले जनाएको छ ।
जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले गोली कसले र किन चलायो भन्ने नखुलेको बताउनुभयो। घटनाबारे अनुसन्धान भइरहेको उहाले जानकारी दिनुभयो।